Farmaajo Oo La Hadlay Taageeriyaashiisa
MUQDISHO(GMN)-Garoonka Diyaaradaha Aadan Cadde ee Magaaladda Muqdisho waxa ka soo degay Musharaxa Maxamed Cabdulaahi Farmaajo oo ahaa Ra’isulwasaarihii hore ee Soomaaliya.
Mr Farmaajo ayaa Magaaladda Muqdisho waxaa loogu soo dhaweyey si aan hore loo arag iyadoo dadwaynaha ay muujiyeen sida ay u taageersan yihiin Masharaxooda Farmaajo.
Maxamed Cabdulaahi oo hadal kooban u jeediyey taageeriyaashiisa waxa uu sheegay in haddii la doortay ahmiyadiisa ay tahay in Munshaar u bilaawo ciidamadda Soomaaliyeed.
Sidoo kale Farmaajo waxa uu sheegay in lacagtii ka go’day ciidamadda Naafadda xooga Dalka Soomaaliyeed uu dib u bilaawi doono.
Maxamed ayaa si gaar ah waxa uu ugu mahadceliyey taageeriyaashiisa sida wanaagsan ee ay u soo dhaweeyeen.
Baabuurta kala duwan ee Magaaladda dhexwareegaysa ayaa waxaa ku wada dhegan sawirka Maxamed Cabdulaahi Farmaajo.
Baabuurta ciidamadda Dowladda KMG Soomaaliya ayaa sidoo kale waxaa lagu xardhay hal-ku-dhigyo ay ku taageersan yihiin Mr Farmaajo.
Recent Comments