Xabi Alonso: Barcelona waa laga guulaysan karaa
Sports-(GMN) Xiddiggii hore ee qadka dhexe uga ciyaari jiray kooxda Liverpool, balse hadda la jooga Real Madrid Xabi Alonso ayaa kooxda Chelsea u hubanti bixiyay in Barcelona cashar la bari karo haddii la doono.
Xabi ayaa rumaysan in kooxda Di Matteo ee Chelsea ay ka adkaan karto Barcelona marka ay habeenka Talaadada ku kulmaan garoonka Nou Camp oo ay ka dhaceyso lugta 2-aad ee semi final-ka koobka Champions League.
The Blues ayaa lugtii hore ee ciyaarta hal gool waxay kaga badisay Barca ciyaar ka dhacday garoonka Stanford Bridge.
Alonso oo kooxdiisu habeenkii Sabtidii ay 2-1 kaga badisay Barca ciyaartii adkeyd ee El Clasico ayaa carrabka ku adkeeyay in ay suurta-gal tahay ka adkaanta Barcelona, oo uu sheegay qaab-ciyaareedku in uu sarreeyo.
“Chelsea ayaa hal gool leh,” ayuu yiri Alonso. “Aanu aragno waxa dhaca habeenkaas” ayuu sii raaciyay.
X-Barkulan
Recent Comments